Dualuna dia 16 di april 2018 den oranan di atardi a sosode un accidente riba caminda di Meiveld na altura di ex-Kong Fui Supermarket. Chauffeur di un auto marca Hyundai modelo i10 color shinishi a dal den un auto marca KIA modelo pick-up color blanco. Ambulance a logra stabilisa tur 3 victima envolvi den e accidente na e sitio mes y despues a transporta nan pa hospital. 
Lamentablemente ayera diaranson anochi pa 11:20pm, dr. Peterson a constata morto di e señora chauffeur di e Hyundai i10. Ta trata aki di Johanna C. Pourier-Croes naci na Aruba dia 5 mei 1952.
Paz na su restonan. Hopi forsa na famia den e momentonan dificil aki.
