Zuriel Amiel Celaire ta un mucha cu tin problema di comportacion y a causa hopi dolor di cabes pa e pareha cu a lant’e mescos cu nan yiu. E problemanan na cas a escala te cu a bira problemanan riba caya y cu awo e ta den Corte pa confronta acusacionnan pisa. E hoben aki cu su 15 aña a duna su mayornan hopi dolor di cabes y despues a pasa pa casonan mas serio, te na final e tal envolvi den un caso di asesinato. Tratamento di e caso aki lo sigui te otro aña na februari.
Diabierna merdia tabatin e caso Pro Forma. E motibo ta cu Corte tin na su disposicion solamente e dossier di e tres casonan di atraco den cual e tabata envolvi. Falta ainda e dos casonan serio den cual e ta sospechoso. E prome ta losmento di tiro riba hende banda di American Bar na San Nicolas. Y esun mas serio ta cu e ta envolvi den kitamento di bida di e mucha muhe Sayuri Petronia di 20 aña. Pa e articulo completo, lesa e edicion di TREMPAN di mañan diasabra.
