Den un caravana lider di partido PPA a yega St. Dominicus College pa deposita su voto. E ta sinti positivo cu PPA ta e partido di sorpresa y lo bay cu tres asiento.
Otmar Oduber a expresa cu ningun hende a spera e cos aki. E ultimo seis simannan nan a haya sosten grandi di Aruba y e ta sumamente contento cu esey. Partido PPA a sali cu un programa cu nan a traha y a present’e na comunidad. Nan a demostra un vision di binticinco aña, un plan cu nan ta cuminsa ehecuta unabes nan ta den Parlamento y na momento nan ta forma parti di Gobierno. El a expresa di por confirma cu PPA tin e miho plan pa sirbi e pais y hiba Aruba p’e proximo binticinco aña.
El a participa den diferente eleccion, a ‘maak mee’ den politica sushi pero no manera e ta den e campaña aki. Loke e ta haya ta bon ta cu e pueblo ta responde ariba hende drechi y sincero, hende cu tin plan pa traha p’e pais.
Oduber a expresa cu partido PPA ta e sorpresa y ta bay cu tres asiento awe3 nochi.
