Otmar Oduber: 80 % di e actividadnan riba Parkietenbos lo por wordo reduci

Arubadag Adzone 1
Hyundai Creta
RBC Mortgage Prequal Campaign 2019
Ana Gabriel cu Fun Miles

Recientemente Minister encarga cu Infrastructura y Medio Ambiente Otmar Oduber a ricibi rapport for di e comision trahando pa bin cu solucion pa maneho di desperdicio. Den e rapport ta duna recomendacion riba 24 punto cu mester wordo ehecuta pa logra e meta a termino corto, pa remedia Parkietenbos.

PPG Mildew
Arubadag Adzone 4
Banner Rav 4
MotorWorld JAc
Bende Bo Cas
Red Fish Lunch Special Feb 2019
Ta Huur Apartamento
Colonel’s Catch Special

Aworaki cu sa kico e puntonan cu mester traha riba dje ta, intencion ta pa minimalisa (mas cu ta posibel) e tareanan cu ta tuma lugar riba Parkietenbos. Durante 45 dia e comision a prepara e rapport aki haciendo uzo di entre otro rapportnan cu ya ta existi, pa por prepara un planificacion a corto, medio y largo plaso, di unda kier bay cu saneamento di e dump na Parkietenbos y con lo hiba e maneho di desperdicio na Aruba. “E forma cu ta tratando cu desperdicio actualmente ta contra tur tratado internacional y  aspecto di saludridad y sostenibilidad di nos medio ambiente”, Minister Oduber a accentua. Minister Oduber ta splica cu e rapport ta duna recomendacion riba 24 punto cu mester wordo hiba y ehecuta pa por yega na e planificacion a termino corto cu ta encera remediacion di e dump na Parkietenbos. Ta calcula cu 80% di e desperdicio di cas cu ta wordo piki na e momentonan aki lo por wordo procesa na otro manera, si cana cierto camindanan.  Considerando e opcionannan di con pa atende cu desperdico structuralmente na Aruba.

E comision a percura tambe cu otro siman lo sali un ‘teaser’ di dos RFI’s (request for information) cu ta subi mercado local y internacional pa tur hende cu kier participa den e
desaroyo pa presenta nan proceso. Despues di recomendacionnan cu a ricibi y mirando cu Aruba tin un “shortage” di data y informacion pa haci un TOR (Terms of reference) mas corecto cu ta posibel. Hunto cu profesionalnan di WEB y TNO a yega na e decision di e caminda nobo aki cu ta cana, pa haya atencion local y internacional pa por yega na e meta a largo plaso. Esaki ta encera cu aworaki cu e rapport ta conoci y cu sa kico ta e puntonan cu tincu traha riba dje, intencion ta pa remedia dump y minimalisa mas cu ta posibel e trabounan cu ta tuma lugar riba Parkietenbos. Manera cu a compromete cu comunidad di Aruba. Tambe a acerca companianan local den partnership cu Serlimar cu lo keda e compania cu ta responsabel pa maneho di desperdicio y recogemento di desperdicio na Aruba. Den e cuadro aki, a percura pa e trabounan cu ta wordo haci unda cu ta comprimi e sushi, pa esaki wordo dera den diferente sitio cu tin buraco na Aruba.

A cuminsa cu un di e sitionan aki como parti di un proyecto piloto na Sero Thijshi, hunto cu un compania local. A percura pa haci estudio riba e “envirobills” nan aki cu ta e RDF (Refuse derived fuel) saca for di e desperdicio, pa sera nan den un plastic (empaketanan) y percura cu bou di auspicio di Departamento di Salubridad Publico, Departamento di Medio Ambiente y DIP, esakinan bay laboratorio internacional cu tin experticio pa midi cu esakinan no ta toxico pa nos subsuelo si dera nan. Serlimar lo keda encarga como e unico instancia na Aruba pa supervisa e aspecto aki. A pesar cu e ‘bills’ nan aki no ta dañino pa nos subsuelo, toch a scohe pa pone tuberianan necesario pa gasnan cu por wordo saca entre otro, cumpliendo cu norma nacional di e forma con por deshaci di desperdicio. Lo acerca doño di otro buraconan cu tin rond di Aruba, en total 17 cu ta terenonan eigendom cu ta causa peliger y no tin balor pa e persona cu ta doño di e  terenonan aki. Posiblemente lo por sera e buraconan aki, yenanan cu e “bills” y uza e propiedadnan aki pa por ehempel recreacion, proyecto di parke solar of otro desaroyonan, Minister Oduber a conclui.

Comments

comments

Island Finance – Home improvement
UA Open House 2019