“Oruba” lansando su single mas reciente: “Fia Serca Mi”

165

Oruba, un di e banda nan mas unico den su estilo, ta nabegando rumbo pa solidaridad mundial cu nan alegria organico. Guia cu creencia profundo di actonan natural di bida, Oruba ta brinda su audiencia un masa di musica organico distingui door di musica tribu-fusion, cu tin comparacion cu tumba di Corsou, Gaita di Venezuela, Dande di Aruba y musica Gnawa di Morocco, un estilo “world music”. E banda a inicia cu nan grabacion den comienso di 2019 y desde e temporada ey nan por a realisa nan prome EP “Totumba” den comienso di 2020.

E mesun aña ey nan a saca dos single mas cual tambe ta parti di nan proyecto. Na januari 2021, Oruba finalmente ta lansa nan di tres single “Fia Serca Mi”. Un cantica composita pa Reno Steba, fundado, cantante, bahista, escritor y areglista, cu un tiki di humor relaciona cu e mal maña di e hendenan local. E musica tin influencia di Tumba di Corsou y Wals Antiano, canta den tradicion di coro pregon y colora cu harmonia Jazz-fusion.

E letra ta conta e mal maña di hende di fia cos cerca bo, pero nunca ta trece bek causando cu bo mes tin cu bay fi’e bek. E cuenta humoristico aki ta un inspiracion di un cantica di infancia cu e escritor a tende. Tira un bista riba nan link riba YouTube, pa asina por cera conoci cu “Fia Serca mi” di Oruba.