Desde cu a sali na cla cu tin e intencion di traha un hotel na Sero Colorrado, organisacionnan ambiental a expresa nan disgusto pa loke ta esaki.

Diadomingo Accion Ambiental y Aruba Warriors a tene un accion di protesta na Sero Colorado, pa asina mustra cu nan ta contra pa bin cu e desaroyo aki.

Caminda cu nan kier bin traha e hotel, ta caminda cu tin un tunnel di awa cu ta percura pa e mangelnan haya awa, segun Marcos Bislip di Accion Ambiental. Esey ta un di e motibonan cu nan ta contra di e construccion di e hotel.

 

Organisacionnan ambiental manifestando contra proyecto di hotel

Organisacionnan ambiental manifestando contra proyecto di hotel. Click link pa mas https://24ora.tv/2NmBGds

Posted by 24ora on Tuesday, June 25, 2019

Fuera di esey el a expresa cu e area aki ta uno destina pa naturalesa aki y ta net esun cu a apunta tanto area cu ta pa conserva nos flora y fauna, di un of otro manera, a cambia di tal forma cu ta permiti pa bin cu un desaroyo turistico eynan.

Un otro punto cu el  a menciona ta cu por uza e area di Nanki Country Club pa asina construi e hotel. Sinembargo Gobierno a opta pa scoge e area riba e cliff.

Tin hotel te dimas

Ya tin suficiente hotel na Aruba, segun Helena Croes di Aruba Warrios, agregando cu trahando mas hotel no lo haci cu nos economia lo crece. Den e mesun rosea el a comenta cu mirando cu tin un hotel caba den Centro di San Nicolas, dicon no caba cun’e y mira si en berdad ta necesario pa traha un hotel na Sero Colorado. Croes a agrega cu mester drecha Centro Colorado, cu ta den un estado deplorabel, na luga di bin cu e idea pa traha un hotel parti p’ariba di nos isla.

Trahadonan di afo

Aruba tin suficiente cu ta nifica importacion di trahadonan stranhero, segun Fatirah Luidens. Y fuera di esey, ta nifica tambe mas turista, y e cantidad di sushi cu ta produci, ta bira mas, consecuentemente e sushi riba dump lo aumenta.

Aruba ta mucho chikito pa tin asina tanto hotel, compaña pa asina tanto hende, Luidens a comenta.

Turismo ta bon, pero mester bin cu un sistema di transporte gratis pa nos bishitantenan bin e parti mas pariba di nos isla, pa asina nan por bishita Baby Beach.

Comments

comments