Ora Loca di Santa Cruz lo ta dia 5 di februari proximo

921

Diaranson, dia 5 di februari, Don Flip Carnival Group ta organisando ya pa di tres aña caba e parada di Santa Cruz. Tema cu nan a scoge ta “Espacio” y varios bario di Santa Cruz t’ey cla p’asina participa den e parada aki entre otro Kas Ariba, Hooiberg, Siribana y tambe un grupo cultural cu lo habri e parada di La Ora Loca, formando parti asina di e tema di espacio.

Cada bario ta scoge su mesun tema, sea ta Aliens, Star Wars, tin Stars & Shine y e otro barionan ainda falta pa confirma. Mas cerca e dianan ta yega, ta duna e confirmacion.

Esnan cu ta interesa por tuma contacto na sede na Cas Ariba 25. Tur atardi y tur anochi nan t’ey di 6’or y mey pa 9’or y mey. Ta atende tur hende y asina tin tur informacion necesario.

Ora Loca di Santa Cruz lo ta dia 5 di februari proximo

Ora Loca di Santa Cruz lo ta dia 5 di februari proximo. Click e link pa mas https://24ora.tv/36enibx

Posted by 24ora on Tuesday, January 21, 2020

Cada bario tin su tema. Nan mes ta bin cu nan musica, cuminda y bebida. Semper Don Flip ta cu un banda y e biaha aki ta Youth Extreme. E lo ta formidabel.

Tur hende ta bon bini pa e jump up aki di La Hora Loca. Si bo ta di otro bario, por ehempel Paradera, di Noord, djis bin y ta stempel cu bo ta drenta of bo por join e otro barionan.

Tuma contacto cu Don Flip y bo ta aden. E barionan cu falta ainda, por join, traha e tema y asina haci e parada di Espacio mas grandi. Ta sali for di Veld di Winston y ta bay te direccion Weng Kee, den e cuchara di Santa Cruz, casi yega Piedra Plat.

Abo so falta. Bin join e bario di bo preferencia, y e tema y asina ta cla pa carnaval. E proximo lo ta parada di luz. Pa tur informacion subi riba pagina di Don Flip riba Facebook y eynan bo ta haya tur e informacion cu bo tin mester.

Bo ta haya e adres ey riba tambe, telefon 5926335, cual ta di Penelope. Asina tin tur informacion p’abo por join Don Flip den su Hora Loca cu su tema di espacio.