Oportunidad pa trabou: DVG ta busca ‘optrekkers’

Pa cu e campaña di vacunacion nacional contra COVID- 19, Departamento di Salud Publico ta busca mas personal pa haci e trabou di ‘optrekker’. Esey ta encera preparacion di e vacuna. Si bo ta cumpli cu e exigencianan aki bou y ta motiva pa yuda Aruba den combati e virus di covid-19, anto manda bo solicitud na [email protected].

DESCRIPCION DI TRABOU:
Pa e diferente localidadnan di vacunacion, ta buscando ‘optrekkers’. Hunto cu esunnan cu ta vacuna, bo ta responsabel pa e proceso di vacunacion y resorta bou di e Zorg Coördinator vaccinatie. Den e periodo extraordinario aki bo por yuda pa Aruba haya e Corona Virus bou control.

TAREA Y RESPONSABILIDAD

  • Conforme instruccion preparacion di e vacuna, desolve, mescla y pone e vacuna cla.
  • Yena material necesario pa vacunacion y mantene e cantidad.
  • Traha conforme ‘Cold Chain’ protocol
  • Recohe y mantene e mesa y espacio limpi unda ta eherce e funcion di ‘optrekker’

EXIGENCIA / HABILIDADNAN DESEA:

  • Verpleegkundige
  • Co-assistent geneeskunde (bou supervicion di arts)
  • Doktersassistent (bou supervicion di arts/ verpleegkundige)

NOTIFICACION EXTRA

Relaciona cu privacidad y informacion sensitivo di individuo bo lo tin pa firma un declaracion di secrecia of un ‘geheimhoudingsverklaring’. Bo mester ta flexibel pa cu diferente orarionan di trabou. Mester tin transporte propio.