OPA cu charla riba malesa di Parkinson den MFA Sta. Cruz

Diahuebs 15 di November Organisashon Parkinson Aruba (OPA) lo tene un charla na e MFA nobo na Santa Cruz (banda oficina di rijbewijs) tocante e malesa di Parkinson (tembla tembla) y su ultimo desaroyonan.

ADV

E charla lo wordo duna door di Dr. Roberto Weiser. Dr. Weiser ta neurologo na nos H.Oduber Hospital. Dr. Weiser ta traha den e Departmento di Neurlogia y ta specialisa den e malesa di Parkinson y en general movement disorders.
E charla di Dr. Weiser lo cuminsa 6.30 PM.

Tambe lo ta presente Sr. Frank Velasquez. Sr. Velasquez ta un fysiotherapista cu na hopi occasion a duna OPA y su patientnan tips tocante ehercicionan specifico. Durante e anochi Sr. Velasquez lo demonstra differente ehercicionan pa patientnan cu malesa di Parkinson.

OPA ta gradeci Dr. Weiser y Sr. Velasquez de antemano pa nan cooperashon y nos ta spera cu hopi patient y nan famia lo atende e charla di Dr. Weiser y e demonstrashon di Sr. Velasquez.
E anochi lo sera rond 8.30 PM.

Personanan cu e malesa di Parkinson of nan famia, cu ainda no ta affilia na OPA por tuma contacto cu e directiva di OPA via telefoon 5858824 of e-mail [email protected] .

Comments

comments