Olga Tromp rabia cu City Inspector: A mata cacho sin busca drechi

Señora Olga Tromp ta un señora di 71 aña cu tin un amor pa cacho y diariamente ta duna cacho di caya cuminda na San Nicolas. E situacion cu malcontento cu City Inspector a cuminsa ora cu na dado momento e la yega den e area di un restaraunt di fast food den Cura Cabay. Aki a topa cu personal di dicho bureau ta bay cu e cachonan cu tur dia e ta duna cuminda.

Pa ora e señora a bay atende cu e departamento concerni, a bin compronde cu e cachonan ta mata caba. Señora Tromp den un entrevista cu 24 ora ta kere cu esaki ta contra ley. Segun e por a compronde lo tin un proceso cu mester a cana, unda ta duna e doño di e cachonan espacio di algun dia pa por bin reclama nan bek.

Señora rabia cu City Inspector: Ta denuncia maltrato di bestia

Posted by 24ora on Saturday, January 15, 2022

Na su conocemento ningun hende algun biaha a yega reclama di e cachonan cu ta cana den area di Cura Cabay. E bon samaritano a remarca cu e tin varios aña caba ta duna cacho di caya cuminda, e la cuminsa e gesto aki for di 2009 of 2010. E no ta compronde con bin City Inspector por tuma un desicion descabeya asina. Tromp ta spera cu esaki ta ultimo biaha algo asina sosode cu ta yega mata bestia mesora.