Oldric Fernandes-Pedra ta e doño di Olde Molen Night Club y su prome reaccion despues di e entrada hudicial na e establecimento ta cu Polis ta buscando tur forma pa perhudik’e, pa e perde e permiso di operacion.

“Mi tabata na mi cas y nan a yamami bisami cu tin yen di Polis rond di Molen”. Ora el a yega nan no tabata kier pa e drenta, pero el a splica e Polisnan cu ta e ta doño di e luga. “Polis a bisami cu nan ta buscando droga y arma. Nan no a haya nada. Henter e cos aki ta solamente pa daña nomber di e luga”, segun Fernandes-Pedra.

Mas leu el a splica cu na aña 2017 e y su tata a cumpra e edificio completo, esta Olde Molen. “Nos ta purbando pa drecha e nomber. Wak, Bo ta cumpra un luga cu Bo sa cu e tabatin su problemanan, Nos ta purba drecha e luga, nos a basha vloer, a verf, etc. Molen mes tabata den cay den otro, nos ta haciendo e un luga turistico”, di acuerdo cu Oldric Fernandes-Pedra. “E problema ta asina ki, pasobra nos ta Arubiano. Asina ta semper…Arubiano ta come Arubiano. Si tabata un stranhero, hamas nan lo tene un accion grandi asina”, e comerciante a denuncia.

Oldric Fernandes-Pedra: Polis ta buscando pa perhudica mi negoshi

Oldric Fernandes-Pedra: Polis ta buscando pa perhudica mi negoshi

Posted by 24ora on Thursday, June 13, 2019

E manehado di e club nocturno a aclaria cu Polisnan NO a haya nada durante e accion, pues ni droga y ni tampoco arma di candela! “Pakico bo ta haci un actie asina ki, dañando nomber di e luga, sin corda cu nos tin compromiso cu banco. Bo ta bisa e huurdonan di localnan cu nan mester sali pasobra ta bay kita permiso di operacion di Molen. Ta di unda a sali? Esaki ta cosnan cu no por pasa asina ki na Aruba mas. Nos ta Arubiano tambe, nos tambe kier progresa, nos tambe tin derecho”, segun Oldric Fernandes-Pedra. E ta haya cu Polisnan mester tabata sigur di nan mes prome cu core organisa un accion asina grandi. “No cu Bo ta haci un cos y bo ta hayando absolutamente nul (nada)”.

E tata, Jose Fernandes-Pedra, un arkitecto conoci, a bisa durante e entrevista cu “Nan a bisa cu nan ta buscando droga y arma. Pero nos como doño a yega e luga, Bo mester enfrenta e doñonan. Pero ningun rato so nan a papia cu nos. Kiermen si nos tin algo scondi, Bo ta kere nos lo bin e luga aki? Nos lo no a bin e luga aki nunca. Nos lo a bay sconde un caminda. Pasobra nos sa cu e luga aki ta limpi, no tin nada den dje y nan no lo haya nada tampoco! Ta kico nan kier haci? Nan kier perhudica e luga aki pasobra nos ta Arubiano y Arubiano no mag tin nada riba Aruba, esey ta e problema cu nos tin”.

“Nan kier kita e vergunning di mi. Mi a cumpra e luga cu e vergunning. Pasobra sin un vergunning bo no por opera”, asina el a bisa para dilanti su negoshi, memey di un batayon di Polis, Hues Comisario, Fiscal y otro funcionarionan halto cu a presenta pa supervisa e accion.

“E realidad ta cu POlis actualmente ta persigui e vergunning ey, pasobra nos tin un orario special. Nos por keda habri te cu 3’or di marduga den siman y diasabra te cu 6’or di mainta. Esey ta e unico ora laat cu tin, nada cuenta di te mainta, esey ta mentira. Polis ta purba bin cu esey dilanti djis pa perhudicami”, asina Oldric Ferandes_Pedra a splica. Mas leu e doño di e club a enfatisa cu e realidad ta cu ta den e orario laat e negoshi ta produci placa.

“Na tur parti di mundo nan conoce e luganan cu ta yama nan mes after y ami a cay den after. Y mi a cumpra e luga cu e nomber ey, pa mi por genera placa pa mi por paga mi debenan”.

Pa loke ta e detencionnan, Fernandes-Pedra a nenga cu e personanan aki ta den su servicio. E hendenan tabata canando rond eybanda y como cu nan no por a demostra un permiso valido di estadia, a bay cu nan pa control.

Comments

comments