Shelo awe nochi lo ta levemente te parcialmente nubla y generalmente seco. Den marduga y diasabra e lo ta parcialmente nubla cu posibilidad di awasero. Temperatura maximo lo ta 32 grado celsius y temperatura minimo 26 grado celsius. Solo lo baha awe nochi 07:07pm y lo sali mayan mainta 06:25am.
Situacion general di tempo:
Un ola tropical lo drenta parti oost di Caribe den curso di awe nochi laat y lo pasa den region local bayendo west den curso di mayan diasabra. E sistema aki lo trese humedad cune cu lo aumenta e chens pa awasero den e proximo 24 oranan. Mas leu, e stof fini den aire lo stroba visibilidad un poco den e proximo dianan.
Fenomenonan special:
Awe nochi lo tin un eclipse total lunar cu por observa parcialmente aki na Aruba. Luna lo pasa den e parti di sombra di nos planeta. E eclipse ta cuminsa pa 1:14pm y lo termina 7:28pm. Awe nochi luna lo sali 7:09pm y e evento lo termina 7:28pm, pues ta 19 minuut so lo por observa e fase final cu ta penumbral, cu ta e parti menos scur di e sombra di e planeta.
Pronostico di tempo pa fin di siman:
Parcialmente nubla cu awasero pasahero. Biento lo ta for di direccion oost y modera te basta fuerte;
Den dia fuerte te posiblemente duro den rafaga; Temperatura max / min lo ta: 33/27
