Oficial: Andre Bosman no ta bolbe den Tweede Kamer

920

E propio politico di VVD a anuncia esaki riba su Facebook. E ta laga caminda habri pa caranan nobo cu ideanan nobo pa enfrenta e retonan grandi cu Hulanda y mundo ta enfrenta.

Riba su cuenta el a splica su seguidonan debi cu e ta consciente cu VVD a restringi Miembronan di Parlamentonan cu ta den Tweede Kamer pa mas cu 8 aña, el a firma pa un posibel di cuatro termino den Tweede Kamer. “Mi ta realisa completamente cu mi aplicacion por resulta tambe den un “no” for di partido. Pero mi ta un “team player” tambe y eseu ta e motibo cu mi a haci e peticion toch. Si nan no por haya un otro candidato cu mi experticio, mi lo ta disponibel.”

El a sigui splica cu e comision di VVD cu ta scout candidatonan a haya un grupo grandi di personanan hopi entusiasma y cu hopi habilidad disponibel pa e proximo eleccionnan Hulandes, cu ta un bon noticia pa VVD. “Mi ta feliz cu asina hopi candidato bon y talentoso pa e lista nobo di partido. Mi ta orguyoso di e ultimo 10 añanan cu mi tabata aden. Cuminsando den un periodo di crisis financiero, mi por a contribui pa yuda pone e pais bek riba e bon caminda, suficientemente fuerte pa atende cu e actual crisis. “

Pero e ta consciente tambe cu e tempo nobo aki ta exigi pa un grupo nobo di persona pa VVD den Tweede Kamer. “Pa e motibo aki tambe mi lo no bolbe. E tabata un honor y placer pa sirbi e pais den e grupo di VVD e ultimo 10 añanan. Mi kier desea e grupo nobo bon suerte, y ban spera hopi alegria.”