Ocho y seis aña pidi pa pareha acusa di viola nan yiu

4486

Corte a trata awe e caso penal contra e homber Deivi Tejada y contra Vanessa Vrolijk. Un pareha acusa di delitonan hopi serio.

Tejada tin tres acusacion contra dje: di a viola e yiu muhe di su pareha; su mesun yiu muhe y a comete actonan inmoral cu su yiu homber. Vrolijk ta acusa di a viola su mesun yiu muhe y cu e tabata complice of a yuda su pareha comete e otro delitonan.

E hechonan aki a tuma luga den e periodo di april 2019 y juni, 2020. Tabata den e luna ey cu mama di Vrolijk y su nieta a bay haci denuncia. Pero a informa cu e nieta a cont’e cu e homber a comete e mesun contacto cu su mesun yiu muhe tambe y den su presencia.

A base di e declaracionnan ricibi, a yega na e acusacionnan cu ta tres menor a bira victima di e homber.

Ocho y seis aña pidi pa pareha acusa di viola nan yiu

Ocho y seis aña pidi pa pareha acusa di viola nan yiuClick link pa mas: https://24ora.news/39T6J93

Posted by 24ora on Friday, January 22, 2021

Tanto e homber como e muhe ta nenga rotundamente y ta bisa cu esaki ta un acto di e mama di Vrolijk, kende lo kier keda cu e muchanan pa haya placa, “otro splicacion mi no tin”, e acusado Vanessa Vrolijk a bisa dilanti Hues.

E tratamento di e caso aki a dura mas cu 4 ora, unda hues a interoga e acusadonan profundamente pa saca afo e detayenan, di unda e muchanan ta bisa cu e actonan a tuma luga.

Na final fiscal a bisa e ta kere declaracion di e muchanan cu tabata consistente na loke nan a conta nan familiarnan y loke nan a bisa durante diferente declaracion. Inclusive, e descripcion cu e acusadonan a duna den Corte di unda nan a biba, con e cas tabata paden, etc.

Fiscal a pidi un castigo di 8 aña pa Tejada y 6 aña pa Vanessa Vrolijk. Dia 12 di februari pa 8.15 tin sentencia den e caso aki.