Nutricionista Charlene Leslie: Bebiendo productonan no ta yuda boost sistema inmunologico

Esnan cu a haya Coronavirus ta duna diferente tip cu por yuda preveni. Tambe esnan cu no a haya e virus ta cuminsa busca informacionnan pa duna como tip di prevencion. Aunke cu un hende ta come saludabel y ta haci movecion, esey no ta pone cu no ta haya e virus. Un hende no por proteha su curpa contra e virus na e manera aki. P’esey tin e recomendacionnan di laba man, uza hand sanitizer, mantene e distancia y bisti e mondkapje.

Nutricionista Charlene Leslie a bisa cu loke si por haci ta percura cu e sistema inmunologico ta mas fuerte. No por boost e sistema inmunologico pasobra e ta un sistema hopi complex cu diferente cel y stof ta hunga un rol, pero ta algo cu cada ken ta bouw op. No ta asina cu si bebe of come tal producto, of bebe un vitamina, esey lo traha mas miho compara si no a bebe esaki e dia prome.

Loke cu hende por haci ta percura cu nan sistema inmunologico bira mas fuerte. Esey por haci door di e estilo di bida, cual ta come saludabel, haci actividad fisico, evita of limita cantidad di alcohol, evita humamento. Stress tambe ta hunga un factor den e bahamento di sistema inmunologico. Alimentacion saludabel ta algo hopi amplio y aki ta papia entre otro fruta, come hopi berdura, bonchi, noot, simianan, granonan cu ta contene nutricionnan pa mantene e sistema inmunologico.

Nutricionista Charlene Leslie: Bebiendo productonan no ta yuda boost sistema inmunologico

Nutricionista Charlene Leslie: Bebiendo productonan no ta yuda boost sistema inmunologico. Click e link pa mas https://24ora.news/3izocpz

Posted by 24ora on Wednesday, August 12, 2020