Tin recompensa di 500 florin: Mucha di seis aña ta resa y pidi pa Ozzy bolbe cas

1601

Te ainda famia De Cuba di Hooiberg no a haya reaccion of pista unda e cacho di e famia ta. Ta trata aki di un Bully cu nan a duna e nomber di Ozzy.

E mama ta conta cu e cacho a sali sin cu nan a mira e momento exacto. Ta pidi cooperacion di pueblo. Su yiu di seis aña ta yora tur dia, y ta puntra ki dia Ozzy ta bolbe.  Ozzy ta su miho amigo. Mainta prome cu e bay scol, Ozzy ta para na porta manera pa bis’e “pasa bon dia” y atardi nan dos ta hunga henter atardi. Awo e menor aki no tin su mascota pa hunga cu ne.

https://www.facebook.com/24ora/videos/3475198245932608

E mama ta haci un apelacion na tur hende y tambe si tin un persona a hay’e y a bay cu ne. “Pone man na boso curason. E mucha ta puntra tur dia y ta reza tur dia pa Ozzy bolbe bek cerca dje,” e mama ta conta.

Si un hende cu por a wak’e of tin e please contact e doño na 5942685 of 5932251. Tin un recompensa di Afl. 500,00‼️‼️ Si abo a mira e cacho na cas di un hende, papia cu nan pa debolbe e cacho bek cerca su doño.