North Indian Baseball Organization a batisa nan uniform nobo cu patrocinio di ATCO Concrete

769

Diaranson anochi a tuma luga bautismo di e uniform nobo di North Indian Baseball Organization, cu patrocinio di ATCO Concrete pa loke ta baseball AA. Segun presidente di e organisacion, Joy Orman, nan ta den preparacion.

Nan ta campeon di baseball AA dos aña sigui y awo nan ta preparando pa e campeonato di baseball di 2020. Pa otro siman lo bay tin 3 wega di fogeo na Corsou, unda cu nan lo enfrenta e campeon, e sub campeon y e ekipo na di tres luga.

North Indian Baseball Organization a batisa nan uniform nobo cu patrocinio di ATCO Concrete

North Indian Baseball Organization a batisa nan uniform nobo cu patrocinio di ATCO Concrete. click link pa mas https://24ora.news/2TIrsp9

Posted by 24ora on Thursday, March 12, 2020

Otro siman caba nan ta bulando dia 17 te cu dia 22, unda cu nan lo tin e weganan. Trainingnan mes a cuminsa na januari. Ta un programa traha pa e manager cu e hungadonan a sigui al pie de la letra.

Aworaki e team ta practicamente top y lo bay wak e weganan di fogeo. A mira un wega so di preparacion na Aruba y ta contra e mesun veteranonan di baseball 40+. E weganan a sali bon. Awor aki ta bay haci fogeo na Corsou unda cu ta prepara pa haci un bon papel y presentacion y pa bin cu e trofeo for di Corsou.

Orman ta gradici nan sponsor principal cual ta ATCO Concrete Products cual un biaha mas tin confiansa den e team. Nan ta sponsor pa e ultimo 13 añanan di cual e team di 11 aña a sa di sali campeon den diferente torneo. Aworaki nan ta prepara pa coy campeon pa di tres aña sigui den e campeonato di Aruba.

Manager di North Indians, Eugene Helder, a conta cu e mes ta bayendo pa di 6 aña como manager di e team, di cual 3 aña nan a coy campeon. E aña nobo aki ta wardando riba e directiva di ABBA pa wak ki fecha e siguiente campeonato lo ta.

Mientras tanto e team ta bezig ta train y nan ta basta avansa den training y preparando pa bay Corsou, manera cu e presidente di e team a indica anteriormente.

E hungadonan ta hopi entusiasma, door cu nan ta haciendo basta cos cu tin algun aña nan no a haci como team. Tambe nan a organisa basta recaudacion di fondo y tambe actividadnan deportivo hunto.

Helder ta spera cu den e dianan cu ta bin, despues di e dianan di carnaval, nan trainingnan pick up.

Tambe Helder ta gradici ATCO cu a sa di pone nan confiansa den e team. Tambe ta spera cu por tin na pa hopi aña mas. Helder ta sinti cu e sponsor ta proud pasobra den e ultimo añanan e team tabata den final y tin total di 11 titulo como campeon.

Comments

comments