A tuma nota cu Polis no ta atende pa algun luna caba accidentenan cu hende sin rijbewijs, hende cu ta bebi of ora e auto ta sin seguro. E unico accidentenan cu nan ta atende ta accidentenan cu hende herida of caso di Hit and Run. Esaki ta nifica tambe cu hopi chauffeur ta scapa di violacion di leynan existente.
Parce pa motibo di Coronavirus no ta laga hende supla. Ta hopi chauffeur bebi a scapa di e cos aki. Pero e parti di seguro y core sin rijbewijs si no sa e motibo pakico Polis no kier atende e casonan aki ora di accidente. Polis di trafico ta esnan cu mas tanto no ta bay atende.
Te ki dia esaki lo keda asina no ta conoci. A nota si cu ta basta bebemento tin riba caya despues di 10:00pm ora tur localidad cera. Djey hendenan ta sali bay cu auto manera nada a pasa y bou influencia.
