Normal nobo: Dos ora so pa train den gym

1200

Despues di reuni cu propietarionan di gym, a bin cu algun norma y reglanan nobo pa adapta na e normal nobo cu ta spera di cada un di nan. Dialuna ultimo a habri bek y cu esaki a tuma nota di varios gym cu a adapta nan mes. Pa Johannes “Papi” Wiersma di House of Pain na Dakota, e ta un bista diferente di kico e normal nobo ta nifica pa nan.

Igual cu tur otro, e crisis a afecta e gym grandemente pero a sobrevivi. A sigui cu entrenamento for di cas cu locual cu tabata disponibel, como tambe cana y core bicicleta en espera di reapertura. Despues cu tur gym na Aruba a reuni a yega na areglo riba reglanan cu awo nos ta adaptando nan mes. 

Normal nobo: Dos ora so pa train den gym

Normal nobo: Dos ora so pa train den gym. Click link pa mas https://24ora.news/2TMBRzw

Posted by 24ora on Thursday, May 28, 2020

Segun Wiersma no tabatin mucho cambio mirando cu esunnan cu tin hopi aña ta train sa cu sanitizer, uzo di serbete ta esencial/reglamentario na e gymnan, na House of Pain sigur. Como tal no ta hopi cos a pone acerca mirando cu ta algo cu nan tin caba.

E virus riba su mes ta algo pasahero, segun Wiersma y ta spera cu pronto e lo bay por completo. E ta keda na cada ken pa cuida nan mes pa asina e virus aki no afecta nan.

Papi Wiersma ta enfatisa riba e punto cu cada gym tin nan reglanan y orario stipula cu nan ta ofrece na clientenan. E ta di opinion cu gym ta gym y ta luga cu ta bay pa train! Den su opinion 1 ora no ta suficiente. Por train pero no na gusto y ta pa e motibo ey el a opta pa duna su clientenan 2 ora pa train. Ta tuma cierto cantidad di hende den e localidad cada pasa 2 ora pa asina duna espacio pa nan por train pa kita e stress diario di trabou/cas y mayoria actualmente cu a caba di sali di cuarentena. Tambe a tene na cuenta cu economia actual ta malo, e no ta sinti cu por cobra un prijs y ofrece unicamente 45 minuut maximo 1 ora na clientenan.

E decision ey ta keda na cada ken, mirando cu nan ta gymnan mas grandi ta duna nan e bentaha pa haci nan orario limita mientras cu su gym no tin e opcion ey pa motibo di cu e ta chikito. Ta un decision propio y e ta esun cu a opta pa esey. E ta respeta decision di cada gym pero locual e ta ofrece su clientenan lo ta 2 ora saliendo di experiencia y conocemento di su hendenan.

Wiersma tambe a indica e punto cu ta paga un suma cu ta inclui un personal trainer limita na un cierto orario no ta algo cu su clientenan lo aprecia. Un persona lo train forsa/pura cu no ta faborabel. Practicamente miho laga e gym cera! 

Lo sigui regla, naturalmente pero orario y opcion pa cantidad lo keda na cada gym pa evalua y dicidi pero House of Pain lo bay segun su criteria.