Normal nobo: Caya grandi ta haya falta di turistanan

E gobiernonan di Aruba sa cu comerciantenan di Caya Grandi a pidi hopi yudansa, pa nan bin mira con nan ta. Esaki no a pasa pasobra nan ta bezig cu hopi otro cos y nan no por soluciona loke pa añanan e comerciantenan ta pasa aden. Star Fashion Boutique ta den Caya Grandi pa 10 aña y e prome 2 añanan a disfruta prome cu a haci Caya Grandi mas bunita.

Solanys Quintero propietario di Star Fashion Boutique a bisa ta admirabel loke nan a haci, pero a dura casi 4 aña pa haci esaki mas bunita. Gobierno a implementa hopi cos cu ta bon pa Aruba y comerciantenan. E ta mustra bunita cu parkeerplaats organisa, cu tram, pero a trece un impacto diferente pa comercio. Esaki ta bin pa motibo cu turistanan ta core den tram y no baha, no ta yuda e comercio. Si algo no ta bon, mester cer’e ya cu e no ta yuda, segun Quintero. Na varios ocasion comerciantenan a pidi pa laga autonan pasa na luga di tram.

Normal nobo: Caya grandi ta haya falta di turistanan

Normal nobo: Caya grandi ta haya falta di turistanan. Click link pa mas https://24ora.news/2TNoKy5

Posted by 24ora on Thursday, May 28, 2020

Implentacion pa hende paga pa adelanta parkeerplaats ta stroba hopi. E no ta haya cu esaki ta malo, pero nan a pidi hopi biaha pa drecha esaki. Otro situacion fastioso cu ta bibando desde hopi tempo ta chollernan. A purba di saca choller for di patras di Mango, pero otro ta bin y a sigui afecta e comerciantenan. E clientenan no por cumpra cu trankilidad, pasobra nan ta yega tur spanta door di e chollernan.

Star Fashion Boutique normalmente ta habri pa 10 ora, pero awo cu ta haciendo cambionan pa motibo di e Coronavirus, nan a baha orarionan pa 8ora. Comerciantenan di Caya Grandi a pidi hopi ayudo. Na diferente manera gobierno a purba yuda nan. Pero cada bes ta haci pregunta si lo yuda cu parkeerplaats, cu diferente cos pa Caya Grandi, gobierno no ta duna un contesta. Comerciantenan ta sinti nan mes bandona y no sa dicon gobierno no kier yuda nan. Caya Grandi ta pertenece na tur hende, semper hende a bin eynan pa haci compras.

Gobierno mester yuda aleha e chollernan for di Caya Grandi. Loke cu no ta bale la pena pa tin ta e tram, pasobra no tin hende pa core den dje y ta un gasto pa Aruba. Hendenan no ta pagando pa parkeerplaats y mester kita esey completo, pasobra clientenan ta bin spanta cu nan mester paga. Loke ta perhudicando comerciantenan den Caya Grandi ta e benta online. Nan ta bende cosnan online, pero den tiendanan tambe ta haya esakinan. A puntra minister si ta monitoriando. Comerciantenan ta haci preguntanan di kico por haci p’e comercio, pero gobierno no ta haci algo. Comerciantenan no ta haya un contesta duidelijk di gobierno.