Noord Taekwondo Center a organisa campeonato

Den fin di siman pasa Noord Taekwondo Center a organisa un campeonato na Compleho Deportivo Simeon Antonio y 6 scol di Taekwondo a participa.

Esaki tabata e di dos lustro di Noord Taekwondo Championship pa Grand Master Chaco Cornelio. E torneo a encera 4 tipo di competencia cu tabata: Kyorugi (bringa), Poomsae (forma), Kyuk Pa (kibramento di palo) y 5 Point Sparring System.

E campeonato aki tabata diferente for di e campeonatonan normal cu sa tin cu ta solamente bringamento. Noord Taekwondo Center ta e unico scol di Taekwondo na Aruba cu ta focus ariba Taekwondo den su totalidad y a dicidi di pone un competencia di e facetanan aki. Stichting Impact Taekwondo Martial Arts & Sports Foundation a gana e Best Team Cup.

E miho bringadonan Infantil a bay pa Aylen van Geene y Zayon Thielman.
E miho bringadonan Cadet a bay pa Rushineldy Lejuez y Daniel Bolonoto.
E miho bringadonan Junior a bay pa Guadalupe Amador y Regering Ching.
E miho bringado Adulto a bay pa Micheal Noel.

Master Melvin Rasmijn di Noord Taekwondo Center a anuncia cu e campeonato di 2020 ta bay tin self defense cu palo, cuchiu y grabbing.

Comments

comments