Diasabra 24 di augustus Fundacion Parke Nacional Aruba (FPNA) ta
presenta su famoso Nochi di Pelicula den aire liber na Parke Nacional Arikok. E Nochi di
Pelicula ta un pa concientisa nos comunidad cu mundialmente medio ambiente ta bou di
presion di e cambio climatico y e perdida di biodiversidad.
Pa FPNA e ta importante pa concientsa y educa e comunidad riba conservacion di nos naturalesa pa awo y nos futuro generacion. Diasabra 24 di augustus pa 7.30 PM lo pasa dos episodio di e documentario “Our Planet”. E documentario aki ta adresa cuestionan di conservacion y ta presenta diferente animalnan den nan habitat na diferente parti di mundo. E prome episodio ta basa riba e presion cu tin riba animalnan grandi entre otro e tiger y e olifanti cu ta biba riba espacionan habri cu ya no tey mas pa motibo di entre otro agricultura.
E di dos episodio ta basa riba e importancia di lama grandi su ecologia grandi di tiburon, bayena y turtuga. FPNA ta extende un invitacion na e comunidad di Aruba pa asisti na e Nochi di Pelicula na nos Centro di Bishitante y pasa un rato ameno hunto cu famianan y amistad. E anochi di pelicula ta completamente gratis cu posibildad pa cumpra algo di come y di bebe. Pa mas informacion por yama na 585 1234 of bishita nos pagina di facebook; https://www.facebook.com/arikoknationalpark
