No tin quorum pa reunion den Parlamento

Awe mainta mester a cuminsa e reunion pa atende “Geloofsbrieven” di Parlamentarionan. Ta un reunion cu e mesun Prome Minister Evelyn Wever a yama, pa cuestiona e documentonan cu Parlamentario Richard Arends a entrega ora el a asumi e funcion. Pero, e lider di MEP no a conta cu tin miembro di Parlamento cu ta bay North Sea Jazz na Corsou y otro di POR cu no a presenta na trabou awe y como tal, no tin quorum pa yama e reunion, cu mester a cuminsa for di 10’or di mainta.

Update: Den oranan di merdia e reunion a cuminsa, ora cu porfin a logra haya Marisol Lopez pa atende e reunion.

Miembro di Parlamento Sue-Ann Ras a bay mira concierto na Corsou, pues a haci cu Fraccion di MEP a cay di 9 asiento pa 8. Na mes momento e Parlamentario Marisol Lopez no a presenta na trabou awe, haciendo cu POR tin 1 asiento so enbes di dos. Na tur e ora coalicion, cu normal tin 12 asiento, diripiente tin 10. Riba dje Parlamentario Ricardo Croes a yega un poco laat pa e reunion, kisas dor di disgusto pa e mocion cu no a conta cu sosten di coalicion e siman aki.

Bisando esey, e reunion yama pa bira un show politico awe contra Richard Arends no por a cuminsa pasobra no tin suficiente Parlamentario den sala. Ley ta bisa cu mester tin por lo menos 11 asiento pa por yama un reunion.