Aña pasa tabatin un caso di un wela y un mama cu a maltrata un menor cu un wayi coriente, conoci como extension cord. Awe mainta Corte a trata un caso similar, unda cu e menor ta un mucha homber di 14 aña. E caso aki a tuma luga dia 3 di maart 2021, y welo di e menor tabata esun cu a haci e denuncia na polis despues di a topa su nieto cu marca di maltrato. E castigo cu e mama Luisa Gonzalez a ricibi tabata trabou pa comunidad y castigo condicional cu dos aña di prueba.
Di otro banda, el a bisa, a tene cuenta cu e acto di violencia no a ripiti mas, e yiu ta bek na cas y e señora nunca a haya su mes envolvi cu husticia. Kico ta husto den un caso asina, fiscal a puntra. Haciendo un analisis di diferente caso, el a dicidi di pidi 120 ora di trabou pa comunidad of 60 dia cera; 60 dia condicional y 2 aña di prueba. Pa e relato completo, lesa e edicion di TREMPAN di diabierna.
