IPA ta bezig cu reclutamento pa nan haya mas hende pa studia pa docente di scol. Den IPA, tin diferente estudio cu por wordo haci, entre otro maestro pa scol basico y primario, como tambe otro cursonan manera di Papiamento Bachelor y hasta Hulandes. Tin rekisitonan, manera tur opleiding pa por drenta den un grado. IPA ta rekeri esnan cu a caba HAVO of a caba EPI nivel 4, y asina por inscribi pa cuminsa na IPA, pero esey no ta tur. Tin algun exigencia extra y tin cu pasa un test, prome cu por logra inscribi y participa na e opleiding.
Tin un cantidad basico, segun Berthson Boekhoudt. Semper tin un parti di orientacion y bo ta traha riba bo propio dominio riba diferente tereno. Den e di dos aña, bo ta drenta den specialisacion cu bo a scoge. Di e forma eynan, bo ta bay e opleiding. E ta dura 4 aña, e opleiding. Despues di 4 aña, bo ta docente pa e scol basico of pa kleuter den e caso aki. Actualmente tin un total di 225 studiante pa tur opleiding. Esaki contando PDG opleiding, bo ta contando e movecion y salud cu ta bezig caba, primair onderwijs, etc. Tabata tin un opleiding caba di Hulandes 2de graads y tin un grupo ta cabando. Asina tin di diferente opleiding cu a yega di cuminsa cun’e caba cu ta cabando, cu tambe ta forma parti di e studiantenan.
Ora cu aña escolar caba
Despues cu e aña escolar caba, tin algun di e studiantenan ta cay afo. E prome aña ta mas selectivo. Eynan ta haya diferente motibonan cu ta cay afo. Tin studiantenan cu ta cay afo pa motibo cu e no ta algo pa nan, of otronan tin motibonan personal. Ora bo ta maestro di scol basico, bo ta un maestro general. Bo ta duna casi tur materia. Bo ta duna Hulandes, Papiamento, rekenenen, tur tipo di materia y tin di nan cu den cierto materia nan no ta suficiente fuerte y cu nan ta cay afo pa e motibo ey.
Pero despues di e prome aña, mayoria cu pasa e propedeutisch jaar, e porcentahe ta hopi mas halto cu ta caba. Una bes cu pasa e fase eynan, nan ta caba. No ta tur ta caba naturalmente den 4 aña. Bo ta haya esunnan cu ta caba un aña mas despues of 6 luna mas despues.
Despues di 4 aña no tin 25 ta caba. Esnan cu caba despues di 4 aña, ta mas of menos 50 porciento. Despues di 5 aña tin un porcentahe mas halto cu ta caba. Despues di 6 aña tin mas ta caba cu ta yega den un caredad di 60 pa 70 porciento cu a cuminsa.
