No ta permiti’e na ningun sucursal mas: Persona agresivo saca di banco cu polis

5086

Un persona a bira agresivo den un sucursal di un banco cu mesora a activa seguridad. A pidi presencia di polis na sitio pa bin atende cu e situacion.

Diabierna atardi, den careda di 1:00PM a tuma luga un situacion basta tenso na sucursal di un banco na noord, na momento cu un persona cu poco pasenshi a dicidi di bira agresivo den banco. No ta conoci motibo di su comportacion pero local ta sigur, cu esaki no ta algo cu ta permit tuma luga den un banco.

Servicio cu e tabata pidiendo tabata tin di haber cu cambio di placa pero no a logra den e sucursal aki. E persona a sali compaña cu polis for di e establecimento pa sigura cu e ta bandona sitio sin causa mas consternacion.

Na su salida el a bolbe altera un poco, a conseh’e pa haci intento na otro banco pa e servicio cu e ta buscando. Pa locual ta trata e banco en cuestion, su presencia no lo ta permiti mas na ningun sucursal di e banco.