Chauffeurnan di Arubus a pone paro na trabou y a bay reuni cu sindicato SEPPA. Un biaha mas nan a bay scucha kico e sindicato tin di bisa nan.
Desde comienso di aña gerencia a informa nan cu ta bay bolbe kita di salario, pero e chauffeurnan no ta di acuerdo. Esaki ta debi na e forma con gerencia kier haci esey y nan ta sinti cu kier impone riba nan. Gerencia a trece dos opcion so y si nan no acepta un di nan, e gerencia mes lo scoge pa nan. No ta solamente p’e salario nan ta acerca e sindicato, pero tambe pa otro cosnan cu ta pasando.
Ya caba tin rumornan ta core rond cu a kita e 12.6% di nan salario y esey a pone cu e chauffeurnan a pone paro. Na e momentonan aki no tin bus coriendo y mientras nan ta den reunion no lo core. Awo sindicato SEPPA ta scucha kico e trahadonan kier haci.
