No por paga number di auto awe: DIMP ta cera!

Pa algun siman caba ta avisando cu ultimo dia pa paga belasting riba number di auto tabata fin di januari. Minister Xiomara Maduro a duna pueblo un luna extra pa por paga. Pero mayoria hende a warda te ultimo pa cumpli cu impuesto. Ayera diabierna dia 28 di februari tabata ultimo dia pa paga. Desde dialuna awo lo bin un multa riba e suma habri ainda pa paga.

Awe mainta un grupo di hende a bay purba paga toch na DIMP, no obstante cu a avisa adelanta cu no ta habri awe diasabra. A topa cu fila di hende dilanti e edificio, pa cual a splica nan cu lo no tin servicio awe y cu nan por paga online of pasa dialuna atrobe.