Corte dia 21 di november, 2019, a duna veredicto den e caso sumario cu e Vereniging van Medisch Specialisten a cuminsa contra Gobierno di Corsou. Corte a husga cu un introduccion abrupto di e edad limite – sin un areglo di transicion – pa e miembronan di e asociacion ta ilegal.
E tema di e caso sumario tabata e “Landsbesluit nadere criteria zorgcontracten”, cu ta drenta na vigor dia prome di januari, 2020. Den e decreto gubernamental tin un edad limite di 65 aña ora cu e specialistanan medico no por trata pashentnan di SVb mas.
Durante e tratamento di e caso, Gobierno a splica cu ta den preparacion un areglo di transicion, cu un periodo di transicion di tres aña. Den e caso sumario a dicidi cu por aplica e decreto gubernamental riba e miembronan di e vereniging solamente ora cu e areglo di transicion a drenta na vigor.
