Siman pasa All to Car tabata riba bao. Y awo e fin di siman aki e locura di descuento riba tur su productonan cu nan tin den stock.
Y naturalmente bo por pasa e fin di siman aki atrobe pa wak tur loke nan tin. Por ehempel nan tin un cantidad di auto miniatura pa e muchanan den cas.
Greg Krozendijk a comenta cu nan tin un special. E luga a manera bira loco. A dicidi di baha tur e prijsnan. Ta autonan di super bon prijs y di bon calidad, cu nan remote control y cu yen di features.
Tambe nan tin un seleccion grandi di ked pa hende homber, hende muhe, como tambe pa mucha. Fuera di esey, nan tin slof, t-shirt, sapato y mea pa tur edad y pa tur gusto.
All To Car a caba di haya un container cu productonan nobo y ta probecha pa un biaha mas ofrece nan productonan nobo aki, tanto ked di marca Ilicito, como slof, na prijsnan sumamente atractivo.
Reaccion di parti di e consumidornan tabata sumamente positivo pa loke ta e dianan di oferta durante e fin di siman cu a pasa y ta spera cu nan bin un biaha mas pa asina sigui probecha di e ofertanan grandi cu na All to Car so bo por haya.
E oferta di e siman aki riba diabierna, y diasabra den un tent sale lo ta sumamente atractivo atrobe. Pa un keds di cabayero p.e. e oferta ta 40 florin (39,99); si bo scoge un di dos e ta bira 30 (29,99) y si bo kier bay cu un di mucha tambe, esaki ta 20 (19,99). Pues pa 89,97 florin ta haya en total tres keds. Acerca ta haya un slof regalo cu e cliente mes por scoge cual e kier: pa dama, mucha of hende homber. Pues sea bo ta cumpra dos keds pa hende homber y un pa mucha of dos pa hende muhe y un pa mucha na prijs special. Tanto e keds como slof ta disponible den diferente estilo. Tin keds den diferente estilo y mester recorda bon cu na ningun parti na Aruba ta bay haya prijsnan asina atractivo. Tambe tin na benta t-shirtnan masha atractivo, unisex y na bunita prijs di 15 florin so.
Durante e tent sale di diabierna y diasabra tambe tabatin slofnan bunita, den tur sorto di color y gusto, pa solamente Afl. 3,99. No, bo no ta ekiboca. Esey mes ta e prijs. Baratisimo.
All To Car cu prijsnan unico e weekend aki
Posted by 24ora on Friday, May 17, 2019
Tambe ta bay tin sapato den diferente color y den tur siza, pa únicamente Afl. 29,99. Ta zapatonan comodo, dushi pa cana. Si e cliente cumpra un di dos paar di zapato, e ta Sali 19,99 y e di tres ta haya pa prijs increíbel di 9,99 florin. Pues e combo di tres zapato ta sali solamente 59 florin.Pa e kedsnan tin pakinan di mea cu ta comodo na prijs atractivo.
All to Car ta conoci pa taira, pa productonan di auto y diferente otro cos cu por haci cu bo auto. Un biaha mas nan tin diferente oportunidad exclusivo pa loke ta auto.
Greg a conta nos cu nan tin special riba taira. Por ehempel nan tin special riba taira 165-70 pa 13, di e marca Momo, pa 49.95. Un super prijs, pa un super taira. Taira Momo, ta di calidad Italiano. Tambe nan tin un otro marca, pa esnan cu tin riem 14, nan tin un 175-70 pa 14 pa 59.95. Cual ta un super bon prijs. E clientenan por yega y pidi ki special tin.
Tambe nan tin nan servicio di garage cu nan ta cambia taira. Tambe nan ta cambia valve stem, balanc’e y cu cada compra di dos of cuater taira, probecha, bo ta haya un free alignment.
Asina ta, no perde e tent sale aki, cu ta cuminsa for di 8’or di mainta te cu 6’or y mey di atardi. Probecha di tur e barationan cu nan tin, tanto bao di tent, como den e tienda mes.
All to Car ta keda riba L.G. Smith Blvd, dilanti APA y pabou di unda antes tabata CMB.
