Trahadonan di META: No hunga cu nos pan

12

Cu e lema aki bisti riba riba nan t-shirt centenares di trahadonan di e compania Meta Corp a yega un poco despues di 2’or di merdia den bisindario di Parlamento, sperando e momento pa nan demas colega yega.

E trahadonan a expresa di ta sinti cu nan pan ta na peligro. Si nos ta come pan cu keeshi, aki poco dia ta pan seco nos ta come, si tin pa cumpra pan. E Sugar Tax proponi ta afecta practicamente tur negoshi na Aruba.

Manifestacion dilanti Bestuurskantoor

Manifestacion dilanti Bestuurskantoor. Trahadonan di MetaCorp cu mensahe: NO HUNGA CU NOS PAN!

Posted by 24ora on Friday, September 13, 2019

Trahadonan a wordo compaña pa entre otro Eduardo de Veer, un famia cu tin 100 aña haciendo negoshi riba e isla, empleando centenares di persona directamente y indirectamente.

Por a nota cu e trucknan, cu ta e herment di trabou di e companianan manera ATCO y EcoTech, a staciona na ambos banda di caminda. E trahadonan ta en espera pa entrega un Manifiesto na Parlamento.

Protesta MetaCorp ta ON na Parlamento. L.G. Smith Boulevard ta blokia.

Posted by 24ora on Friday, September 13, 2019