Journal of Clinical Microbiology a publica e caso di un hoben Belga di 20 aña, cu a muri apenas 10 ora despues di a come un tayo di pasta, cu tabata tin cinco dia para pafo y cu prome cu el a com’e, lo a keint’e.
E caso aki a sosode algun aña pasa, pero e investigacion ta pone enfasis riba e peliger pa come alimentonan den mal estado. E website Gizmodo a indica cu e studiante tabata tin e custumber di prepara diadomingo, su cuminda pa henter e siman. E kier a spaar tempo y placa.
Ora cu e studiante a come e pastanan rekeinta, el a nota un sabor straño, pero el a kere cu tabata debi na e saus cu e lo a usa pa drech’e y a sali pa haci deporte.
Mei ora despues, el a sinti un dolor abdominal intenso, nausea y dolor di cabes. Despues e tabta tin episodionan intenso di diarea y sacamento abundante, pero no e bay a dokter.
Solamente el a bebe awa y a purba di drumi.
Su dia despues, su mayornan a preocupa ora cu nan a haya sa cu e no a bay universidad. Pa 11’or di mainta, nan a yega su cas y a hay’e morto.
A haci autopsia cu e curpa, mientras cu a manda muestranan di e pasta pa e Laboratorio Nacional di Referencia pa Brotenan Transmiti door di Alimento (NRLFO) pa su analisis.
E autopsia a revela cu el a muri te cu 4’or di mainta, 10 ora despues cu el a come e pasta, pa motibo di un necrosis hepatico. Su higra a cera y tabata tin señalnan di pancreatitis agudo. E frotis fecal, un examen di laboratorio pa analisa un muestra di material fecal (sushi), a revela e presencia di Bacillus Cereus, un bacteria responsabel di e “Fried Rice Syndrome”, un intoxicacion di alimento, causa door di laga nan na temperatura ambiente durante varios ora.
E estudionan a determina cu e muestra di e pasta cu e studiante a come, tabata tin cantidadnan significativo di Bacillus Cereus.
E intoxicacion door di e bacteria ta sorprendentemente comun. Na 2003, un famia a bira malo gravemente door di intoxicacion alimentario asocia na dje, despues di a come un salada di pasta di ocho dia bieu. Cinco mucha homber tabata tin mester di intervencion medico y cuidadonan intensivo, mientas cu e yiu muhe mas chikito, cu tabata tin shete aña, a fayece despues cu su higra a faya.
