No a logra come su “Hamburguesa”: Deteni pata pata tras di stuur na Shaba

3025

Diadomingo anochi polis tabata man yen cu diferente detencion di hendenan coriendo bou influencia, na Shaba a bin para un otro chauffeur.

Ciudadano preocupa a informa polis di un auto direccion noord cu ta coriendo malo y poniendo trafico den peliger. E auto aki lo a pasa dal den acera na varios ocacion y hera alcansa trafico contrario.

No a logra come su "Hamburguesa": Deteni pata pata tras di stuur na Shaba

No a logra come su "Hamburguesa": Deteni pata pata tras di stuur na Shaba Click link pa mas: https://24ora.news/39nxVy5

Posted by 24ora on Sunday, November 29, 2020

A manda patruya mes ora pa e ruta ey y a bin encontra e auto (Honda Fit preto) staciona dilanti My Computer na Shaba. Aki nan e chauffeur a duna di conoce cu e lo a para pa busca un “hamburguesa” pero lastimamente no a logra.

Polis a deten’e mesora y pidi transport pa hib’e warda. Mientrastanto mas y mas detencion tabata tumando luga riba e anochi aki y mayoria ta hendenan bou influencia di un of otro substancia.