Diadomingo anochi polis tabata man yen cu diferente detencion di hendenan coriendo bou influencia, na Shaba a bin para un otro chauffeur.
Ciudadano preocupa a informa polis di un auto direccion noord cu ta coriendo malo y poniendo trafico den peliger. E auto aki lo a pasa dal den acera na varios ocacion y hera alcansa trafico contrario.
A manda patruya mes ora pa e ruta ey y a bin encontra e auto (Honda Fit preto) staciona dilanti My Computer na Shaba. Aki nan e chauffeur a duna di conoce cu e lo a para pa busca un “hamburguesa” pero lastimamente no a logra.
Polis a deten’e mesora y pidi transport pa hib’e warda. Mientrastanto mas y mas detencion tabata tumando luga riba e anochi aki y mayoria ta hendenan bou influencia di un of otro substancia.
