No a haci test: No tin caso nobo di Coronavirus

Ayera diaranson Departamento di Salud Publico (DVG) no a haci ningun test pa Coronavirus. Consecuentemente, e resultado di diaranson a keda identico awe diahuebs, cu unicamente 3 caso activo di Covid-19 riba nos isla. Tin 63 persona den cuarentena y 0 caso pendiente pa resultado.

Mester menciona cu for di inicio pa awo, DVG a test no menos cu 2048 persona cu tabatin sintoma di Covid-19. Di tur e testnan aki, 1947 a resulta negativo, 3 persona a fayece y 95 pashent a recupera completamente di e virus.