Diadomingo mainta pa mas o menos 9:45 am, durante un control rutinario na altura di La Granja Savaneta, polis a para un Toyota Tercel. Na momento di e control a resulta cu e chauffeur no tabatin niun papel di e vehiculo na ordo.
Mesora, a confisca e auto y hib’e San Nicolas cu takelwagen pendiente pa e doño presenta cu e documentonan na ordo.
Tambe e chauffeur lo mester paga un suma di 25 florin pa cada dia cu e auto permanece na ward’i polis San Nicolas y tambe lo e mester cubri e gasto di e takelwagen.
