Diadomingo pasa di 8or polis di trafico y di Noord a dirigi nan mes riba e caminda principal di Tanki Flip. Eynan un auto a bolter.
Na yegada di e patruya a bin topa cu un Nissan Cube cu a bolter pabou di caminda. A bay atende cu e manehador di e Nissan Cube y e ta conta polis cu e tabata bayendo direccion zuid y tabata tin un auto Sedan color blauw pasando auto y pa un of otro motibo e auto a mishi cu e Nissan Cube y asina e chauffeur di e Nissan Cube a perde control y baha caminda y bay dal den un post di cement pa despues bolter. E otro auto a baha na awa. Ningun hende a resulta herida. E daño material ta considerable.
