Esaki sigur ta un logro mas cu ta pone Aruba riba pedestal mundial. E biaha aki den deporte. A scoge Nicole Hoevertsz como e vice-presidente nobo di Comite Olimpico Internacional (IOC), kende lo substitui e Mericano Anita DeFrantz, kende ta na final di su mandato maximo di ocho aña.
E ta conta cu na Tokyo IOC a tene nan asamblea general, caminda cu e miembronan a reuni pa un ‘session’. Durante dos dia a trata diferente topico. Entre otro e diferente eleccionnan cu mester a tuma luga.
Un di e eleccionnan cu a tuma luga tabata pa vice-presidente. Hoevertsz a postula su mes pa candidato pa e vice-presidencia cu resultadonan positivo cu 72 voto na fabor y 7 en contra. Pa cobertura mas amplio, lesa e edicion di TREMPAN mañan.
