Venezuela ta dispuesto pa reestablece relacionnan di comunicacion cu Aruba, Boneiro y Corsou. “Nos ta bay resolve tur e asuntonan cu tin cu resolve,” ta loke Nicolas Maduro, presidente di Venezuela a bisa den un rueda di prensa cu medionan internacional realisa diamars, desde e Palacio di Miraflores na Caracas, indicando cu lo cana tur procedura cu lo por nifica apertura di nos fronteranan.
E hefe di estado a señala cu e culpabel di e deterioro di e lasonan di amistad cu Aruba, Boneiro y Corsou ta e asesor special di Cas Blanco pa Iran y Venezuela, Elliott Abrams, kende na principio di aña a anuncia e ruptura di relacionnan diplomatico.“El a anuncia manera e cu lo tabata doño di Aruba, Boneiro y Corsou,” Maduro a enfatisa den e conferencia di prensa.Al respecto, e dignatario a encomenda e vicepresidente di e Republica, Delcy Rodriguez y e canciyer di e Republica, Jorge Arreaza, cuminsa cu e mecanismonan respectivo pa soluciona conflictonan y cuminsa bek cu e relacionnan bilateral.
“Y cu Elliott Abrams keda cu e gana den su intento pa haci daño na nos paisnan. Nos ta dispuesto y mi ta spera cu pronto nos tin bon noticia,” el a agrega.Diamars, e canciyer Jorge Arreaza a ricibi e Cartanan Credencial di e representante nobo di Reino di Hulanda na Venezuela, Robert Schuddeboom, unda cu el a expresa “nos deseo di habri tur laso di comunicacion, transporte, comercio y cultura cu nos rumannan di Aruba, Boneiro y Corsou.”
