Ni bela ni bolo: Di cumpleañero pa detenido

Tabata alrededor di 3:00 am ora cu polis a presenta na un cas na Tanki Leendert pa un yiu cu a yega cas burachi y bira machoman riba su mama. El a haci aña y a rek un paranda te cu mainta. Polis a presenta y a atende cu e hoben aki. Ora cu polis a bandona sitio, a bolbe bati alarma p’e yiu rebelde aki.

El a bira agresivo cu e mama. Ora polis a presenta pa di dos biaha, practicamente no a papia mucho. A yega y deten’e e hoben aki. E no a haya chens ni pa corta un pida bolo y supla bela, awe den un cel na warda e detenidonan lo canta Happy Birthday p’e.

E hoben mas despues a notifica 24ora.com cu ningun rato el a lanta cu su mama, cu mas bien tabata un problema di famia y a start un discusion na cas y polis a deten’e. Nan tabata bebe hunto y a termina na discusion basta pisa entre nan cu nan. Su version ta otro di locual nos a ricibi na sitio.