No falta mucho pa e Super bowl 2019 cu lo tuma luga den Mercedes-Benz Stadium na Atlanta. E biaha aki New England Patriots lo bay midi forsa cu Los Angeles Rams. Aña pasa Patriots a perde su chens. Pero e aña aki, e lo bay purba su suerte atrobe. Awe ta un pa tera un pa lama.
E Super Bowl ta un di e eventonan deportivo mas grandi di mundo y no solamente bo por disfruta lo miho di e deporte, sino tambe di un show espectacular di “Halpf Time”, cual lo bay tin artistanan grandi riba escenario.
Tur aña, e Super Bowl ta considera e participacion di grupo y cantante, kendenan den 13 minuut tin cu presenta e miho show di nan bida.
Apesar cu e show tin un duracion cortico, e mester di un gran preparacion cu ekiponan di sonido, vestuario y decenas di hende cu ta tras di e camaranan.
Gladys Knight, e emperatriz di Soul, lo interpreta e himno di Merca durante e Super Bowl.
Pa loke ta e “Half Time”, Maroon 5 y Cardi B. ta figura riba e lista di superstreyanan cu lo presenta durante e show di por lo menos 13 minuut.
E rapero Travis Scott tambe ta forma parti di e Half Time Show, hunto cu Big Boi.
Sin duda ta algo pa no perde. Super Bowl lo cuminsa awe nochi pa 7’or.
