Diasabra atardi a firma un acuerdo di coalicion cu cinco miembro di National Alliance y United Peoples Party (NA/UP). Esnan cu a firma den nomber di National Alliance tabata Silveria Jacobs, Adrwell Irion, William Marlin, Rodolphe Samuel y Egbert Jurendy Doran.

Tin entendi cu parlamentario Christopher Emmanuel no a fira e acuerdo, ya cu su preferencia ta traha cu United St. Maarten Peoples Party (USP).

Segun un fuente cu e coalicion actual no tin mester di e sosten di parlamentario Emmanuel, kende a mustra su desboluntad pa traha cu nan y hasta a menasa pa bandona e partido.

Tambe tin entendi cu Emmanuel tabata kier e Ministerio di VROMI y tabata prefera pa traha cu e diputado eligi Claudius Buncamper, ya cu e tin conociento riba e proyecto Energy to Waste den cual Emmanuel tabata trahando mientras cu e tabata Minister di VROMI.

E fraccion UP den parlamento ta obtene e Ministerio di TEATT, VSA y e presidente di parlamento y e viceminister Plenipotenciario.

E negociacionnan a tuma luga for di diahuebs anochi y a sigui henter dia diasabra. Miembronan di National Alliance tambe a reuni cu e parlamentario electo Claudius Buncamper diasabra pa discuti su opcionnan.

Segun informacion, algun miembro di NA tabata kier a traha cu Melisssa Gumbs y Raeyhon Peterson pa e partido pa e progreso, pero esey no a obtene e aprobacion di Emmanuel, ya cu Peterson y Emmanuelta den desacuerdo.

Mientras tanto, e sostenedornan di Emmanuel cu a wordo entrevista na GEBE y a priminti nan trabao, awo a keda den limbo pasobra e parlamentario cu nan a sostene fuertemente no ta parti di e actual coalicion NA/UPP.

Comments

comments