Cu añanan, e sistema a modernisa y pa falta di interes, eleccion di reina di districto a bay perdi. Pero e districto di Noord si a logra conserva e custumber aki y awe diadomingo a tene nan eleccion di Reina Infantil.
E evento a tuma luga den Centro di Bario Noord. A conta cu un publico bastante representativo y cu hopi apoyo pa e 4 candidatanan. Cu e eleccion aki Noord ta stimula otro districtonan pa sigui cu e custumber aki den cual muchanan ta participa den districto y esun cu gana ta bay representa su districto den Aruba Entertainment Center pa e eleccion di Reina Infantil di Aruba.
Miembronan di Hurado a yega na e resultado final cu a inclui:
- Princesita: Kloë Tromp
- Di tres finalista: Richella Bomba
- Di dos finalista: Jayshienne Eliott
- Prome finalista: Richienne Danies
- Reina Infantil di Noord: Naomi Samsom
Pabien na tur 4 participante, nan tur a luci manera un berdadero Reina y como digno representante di e districto di Noord.
