Nan a scapa pa un pinga

Un accidente cu por a caba diferente pero afortunadamente a logra para na tempo pa evita lo pio. Durante pasamento den trafico, un chauffeur no a midi su intencion bon y a bay dal frontal den trafico contrario.

Diahuebs mainta, den careda di 8:30 am riba caminda di San Miguel a tuma luga un accidente entre un Suzuki Ignis y un Toyota Yaris. E chauffeur di e Toyota Yaris, riba un velocidad, tabata pasando auto pero no a percata e trafico contrario acercando. 

E Suzuki Ignis si a tuma nota di e auto yegando frontal su direccion pero no por a haci nada mas. Chauffeur di e Ignis a pone pia riba brake, cu a laga un marca basta largo riba caminda, pero lastimamente no a logra por completo. E impacto no tabata fuerte manera lo a spera door di e reaccion rapido na ultimo momento.

Ambos a scapa pa un pinga, a scapa net net, di un impacto frontal y cu consecuencia grave. Autonan a ricibi daño minimo y ambos chauffeur a sali ileso door di e accidente.