Nan a caba di bah’e na cas: Homber bou influencia di substancia a causa problema cu famia

Dos unidad di polis mester a yuda un famia den Kashustraat ora cu un homber a yega cas den un estado cu no por a rasona cu ne.
Segun por a compronde na e sitio, algun colega a caba di baha e homber aki na su cas, of unda e ta biba. Pero e tabata bou influencia di un of otro substancia, mirando e forma agresivo con e tabata y con el a lanta cu tur hende na cas.

A dicidi di yama polis mirando e desordo den e cas y dos unidad a yega y mesora a pone sinta trankil. A pidi transporte policial cu a hib’e warda unda cu e mester presenta dilanti un fiscal-auxiliar.