Durante e conferencia di Nacionnan Uni na Marrakech, a adopta e pacto global di migracion sigura, ordena y regula. Un total di 160 pais, entre nan Reino Hulandes y Aruba, a sostene e pacto aki. Di parti di Reino Hulandes, a manda un Secretario di Estado y Minister Plenipotenciario Guilfred Besaril y dirigentenan di DIMAS di Aruba.
Secretario di Estado, Mark Harbers, encarga cu Husticia y Siguridad, a expresa sosten di parti di Reino Hulandes na e pacto global di migracion. Ta conoci cu e tema di migracion global ta halto riba e lista di retonan cu paisnan ta confrontando.
Claro cu den esaki e problemanan na Venezuela ta wordo menciona, pasobra ta varios pais a habri porta pa ricibi refugiadonan. Sin duda Aruba tambe ta sintiendo e efectonan, aunke nos ta hopi chikito y cu recursonan masha limita.
