Dialuna mainta na cuater diferente cas den construccion, polis a bay tuma nota di un situacion di ladronicia.
Prome informe a drenta cu nan lo a horta den un container na un cas den construccion na Turibana y ora cu polis a yega, nan a haya trahadonan y esnan cu ta doño di e material cu tin den e container, notificando cu nan a kibra e container.
Dialuna, prome cu merdia polis di Santa Cruz a bay atende un caso na Yucuri. Un doño di un auto a yama polis. Pa algun luna caba el a fia un amigo di dje su auto. E amigo na su turno, no a dun’e e auto bek. E no por a haya e amigo aki tampoco. Cada biaha e amigo tabata tin un escusa cu e auto ta daña, e auto no ta core, etc. Ta trata aki di un Hyundai Getz blanco. Dialuna e cabayero aki a haya sa cu su auto tabata na un cas na Yucuri. El a bay na e adres y en berdad a mira su auto. E tabata tin tur e documentonan den su man pa prueba polis cu e auto ta di dje. El a yama polis, kendenan na su turno a bin na e cas y a cuminsa un investigacion.
A resulta cu berdad, mas of menos 8 luna pasa el a fia e amigo. Pero e no por a haya e auto. E amigo a keda bir’e cada biaha y despues el a dicidi di busca rond, te cu el a topa cu e auto. Durante e investigacion a bin resulta cu e persona caminda e auto tabata, a cumpra e auto aki for di un persona. Haciendo investigacion tiki mas profundo, a bin resulta cu e amigo cu a fia e auto, no a entrega e auto bek, sino a bende e auto cu un persona.
E persona cu el a bende a bolbe bende e auto na un otro persona y eynan ta caminda cu a haya e auto, esta na Yucuri, na e di dos persona cu a cumpra e auto despues cu un persona a fia e auto. E auto a pasa den tres diferente man. El a pasa den man di e amigo, despues cu a cumpr’e y un otro mas cu a bolbe cumpr’e.
Polis a dicidi di yama Joyriding Team y nan a presenta. A dicidi di confisca e auto pa bay cun’e warda, pendiente investigacion. Ministerio Publico lo dicidi kico fiscal ta bay haci, si lo
Entrega e auto of lo tin un caso civil, relaciona cu e fiamento y bendemento di auto di hende.
