Diadomingo mainta banda di 8or a sosode un accidente. Un Yaris color blauw coriendo riba e caminda di Sabana Liber drenta Noord a baha caminda na man robez.


E chauffeur tabata algun 100 meter pariba di e brug di Madushi. Net na e birada peligroso a baha caminda y drenta e rooi. E ta un caida basta fuerte. Forensys 165 a wordo avisa mesora pa presenta na e sitio. Nan a atende cu e chauffeur pa procesa e papeleo y fotonan pa e seguro.

A keda warda riba takelwagen pa presenta na e sitio pa saca e auto. Pa saca e auto lo causa mas daño cu e caida pasobra e area no ta uno facil pa trece e auto bek riba caminda. E chauffeur ta un homber y e tabata sinti su mes poco malo. E mes a bay busca atencion medico despues di e desgracia.

Comments

comments