Na fin di anja 60 Chinto Vrolijk a forma parti di directiva di Aruba Amateur Weightlifting Association. Na 1969 e a bira President di dicho bond y tambe tabata Vice President di federación di peso di Antiyano. Na 1970 Chinto a biaha como hefe di delegación di peso na Weganan Centro Americano y del Caribe na Panama y aki Antiyas a gana 17 medaya den e deporte di peso. Na 1971 Chinto ta bai como hefe di delegación cu Antiyas. aki e atletanan ta logra gana medaya di Oro den peso. Na 1972 Chinto a bai cu delegación di Aruba na Maracaibo unda e atletanan a haci un bon papel. Na 1975 Aruba a gana for di Corsow den hisamento di peso después di 25 anja. No solamente cu Chinto a habri un gym na Wilhelmina Stadion, pero a particpa tambe como hisador a pesar di su edad tur gym a produci hopi bon hisador y bodybuilder. Aruba Amateur Weightlifting Association ta desea  su famia hopi forsa den e dianan difícil aki y cu Sr. Chinto Vrolijk sosega na paz.

Comments

comments