Diamars algo despues di 3:40 pm, a bati alarma pa un candela na un cas situa na Hooiberg. Na momento cu e prome unidad di polis a presenta na e sitio, a constata cu tabata trata di e cas situa na Hooiberg # 25-A. Tambe a constata cu ta un camber completo a pega na candela.
Unidadnan di Cuerpo di Bombero cu a yega rapidamente na e sitio a combati e candela den un tempo record. A papia cu e doño di cas pa por saca afo e posibel causa di e candela. Mientras cu e bombero tabata repasa aspectonan tecnico y bomberil den e camber, polis a tuma datonan necesario pa formula nan rapport di e susedido.
Un habitante a sigura cu e daño a keda limita na un camber so y aunke no por a revisa tur cos ainda, pero cu a tuma nota caba si cu hopi paña a bay perdi.
Pa loke ta e camber a kima Completo y hopi paña a bay perdi. Con e candela a cuminsa tampoco nan no sa, pasobra tur cos a sosode asina lihe. Nan ta mas contento cu no tabatin ningun daño personal.
