Giselle Mc William, actual minister di Economia y Turismo di Corsou, tabatin un bon noticia pa anuncia pa loke ta trata e proyecto di Fast Ferry. El a conta cu recientemente el a anuncia na prensa di Corsou cu nan a keda cla cu e parti financiero. Nan ta consciente cu Aruba tabata practicamente cla for di 2018, sperando pa Corsou, riba e parti financiero, unda cu conhuntamente lo bay traha un Feasibility Study, pa wak con factibel un ferry entre e dos islanan aki ta.

A logra concretisa esaki danki na apoyo di minister di finansas di Corsou. A logra haya e fondonan y proximamente McWilliams lo ta na Aruba, unda cu lo hiba un combersacion cu Minister Chris Romero, kende ta “trekker” di proyecto aki na Aruba, p’ asina hunto dal pasonan pa realisa un Fast Ferry, cu pa hopi aña e dos pueblonan aki ta pidi.

Kico falta na Corsou

Na Corsou: Aprobacion di 200 mil florin pa Feasibility Study pa Fast Ferry

Na Corsou: Aprobacion di 200 mil florin pa Feasibility Study pa Fast Ferryhttps://24ora.tv/2Qn3mz0

Posted by 24ora on Sunday, November 17, 2019

Na Corsou aworaki loke ta bay haci, ta un estudio pa mira si e ta realmente algo cu por realisa entre e islanan y loke sali for di e estudio ey, e ora por mira kico gobierno por bay haci. E idea no ta pa bay inverti den e Ferry, sino pa pone e “rangvoorwaarden”, drecha e piernan caminda cu e Ferry por bin den futuro. Esey ta e rol di gobierno. Prome cu haci inversionnan grandi, ta corecto pa haci un estudio, pa mira si esaki realmente ta algo cu lo por ta realisabel y cu por hinca cen den dje, cen di pueblo pa pone  e kadernan y tur rangvoorwaarden pa por realiza un ferry entre Corsou y Aruba.
Cuanto e estudio lo costa
E estudio, di parti di Corsou, lo costa 200 mil florin. Aunke cu tin algun indicacion unda e ferry aki lo por mara, aworaki tur cos ta depende di e estudio unda ta e luga mas apropia pa e ferry por bin.

Cuanto e estudio lo dura

Tin di compronde, segun e mandatario, cu den dos pa tres luna e estudio por conclui. Hopi trabao a keda haci caba. Ta spera, poniendo di parti di Corsou y sigur di parti di Minister Chris Romero, cu ta un prioridad pa Aruba pa realisa esaki, ta bay pone tur esfuerso pa mas lihe posibel realisa e proyecto.

Con ta mira e proyecto aki

Segun Mc William, aunke e no ta experto, e kier ta positivo y  mira e horizonte mas grandi grandi y pensa riba tur posibilidad pa por conecta e islanan aki of hasta Boneiro tambe den futuro entre e islanan ABC. Pa loke ta trata pasahero, aviacion ta hopi caro. E conexion no ta a base regular cu kier. Loke ta hopi importante tambe ta, e futuro pa por transporta producto entre e islanan. Un di e puntonan cu Mc William kier papia riba dje namomento cu e ta na Aruba ta un mercado interno pa e islanan. Por imagina cu si na Aruba ta produci cierto producto, cu e mester por drenta e mercado di Corsou sin tur e belastingnan y viceversa tambe. Ta haya e ora ey e comerciante, en bes di tin un afzetmarkt di 120 mil habitante of 160 mil habitante, tin un omzetmarkt di mas di 300 mil habitante. Asina ta yuda contribui na e economia di cada un di e islanan aki y ta spera den futuro por hinca Boneiro tambe den dje y pa tin e islanan ABC, mescos cu Europa, cu e fronteranan no t’ey pa loke ta trata producto.

Comments

comments